INOVACEJU BARJERYS LATVEJĀ

Authors

  • Māris Igavens Rēzeknis Tehnologeju akademeja

DOI:

https://doi.org/10.17770/latg2017.9.2688

Keywords:

inovacejis, pietnīceiba i atteisteiba, vuiceiba dorba vidē, puordūšonys laboratorejis

Abstract

1. Jaunu produktu atteisteibys procesa metodika šūbreid bolstuos iz NASA (Nacionaluo aeronautikys i kosmosa administraceja) adaptātu tehnologeju gataveibys leimiņu (TRL), kas nav dūmuoti iz dreizam lītuojumam orientātu produktu, bet rysynoj kaidu naviņ tehniski nūsaceitu aizdavumu. Autoru grupa – Irēna Silineviča, Māris Igavens i Liene Amantova-Salmane (Rēzeknis Tehnologeju akademeja, RTA) – īsoka procesu sadaleit pīcuos daļuos, paraleli tehniskam aizdavumam ījamūt tiergzineibys i logistikys pasuokumus, kas kolpuotu sekmeiguokai produkta komercializacejai.

2. Jaunu produktu īvesšonas kaviekli, biznesa inkubatora programys 2009.–2014. goda pīredze (RTA pietejums).

Leluokais tryukums – augstuokuos izgleiteibys īstuodis (AII) šūbreid napīteikami pīduovoj pakolpuojumus jaunu produktu atteisteibai. Tryukst kvalitativu tierga pietejumu, praktisku puordūšonu veicynūšu iniciativu i darbeibu. Izaver, ka školom ir parūceiguok pījimt, ka uzjiemiejs pats lobuok zynuos, kur i kai sovu produktu puordūt, i vajadzeigūs kompeteņču naatteista studeju procesā.

3. Jauna AII studeju metode – sadarbeibā ar puordūšonys laboratorejom realizēt dorba videi damāruotu vuiceibu procesu. RTA ir izveiduojuse konsorceju kūpā ar Baļtejis regiona tehniskajom universitatem (Aalto (Helsinki, Suomeja), Lundys, Tallinys, Belostokys, Kaunis) i Latvejis-Leitovys puorrūbežu programā realizej pilotprojektu – dorba vidē baļsteitys metodis (PBL – problem based learning) īdzeivynuošonu.

4. Jauna starpdisciplinara metodika jaunīšu profesionalajai orientacejai ar dizaina, tehnologeju i ekonomikys elementu vīnlaiceigu padūšonu. Eiropys Komisejis Strategiskuos partnereibys programys atbaļsteitā projektā Rēzeknis, Tallinys i Viļnis karjerys specialisti izstruodoj puorkvalifikacejis kursu školuotuojim, kab veicynuot jaunīšu palikšonu Baļtejā i mudynuot jūs sovai nuokūtnis profesejai izalaseit tradicionaluos nūzaris. Kursa metodikys pamatā ir treis kritiskuos dūmuošonys sūli: 1) īsapatikt – caur dizainu, 2) saprast – caur tehnologeju, 3) rysynuot – ar ekonomiskim lobumim.

5. Pošvaļdeibu lūma uzjiemiejdarbeibys ekosistemys veiduošonā ar sakuortuota tierga infastrukturys paleidzeibu Latvejis regionu kontekstā ir saisteita ar puortykys, ryupnīceibys i tml. preču kvalitatis, turysma i rekreacejis, gastronomejis i restoranu biznesa vaicuojumu rysynuošonu, izgleiteibys dorba veikšonu, paplašynojūt uzjiemiejdarbeibu iz vītys i puorceļūt, pīvadumam, Reigys centraluo tierga laikā i telpā.

 

Downloads

Download data is not yet available.

Downloads

Published

2017-05-05

Issue

Section

Latgales reģiona ekonomikas un uzņēmējdarbības attīstības iespējas

How to Cite